ERAIKUNTZA METALIKOAK
Titulu honen konpetentzia orokorra da galdaragintzako produktuak, metal-egiturak eta industria-tutueriako instalazioak diseinatzea, eta produkzioa planifikatu, programatu eta kontrolatzea, fabrikatu beharreko produktuen prozesuari buruzko dokumentaziotik eta zehaztapenetatik abiatuta, eta kudeaketaren eta produktuaren kalitatea ziurtatuta; eta laneko arriskuen prebentziorako eta ingurumen-babeserako sistemak gainbegiratzea
 |
Ikasketa Plana
| Moduluak | Orduak |
|---|---|
| Fabrikazio mekanikoko irudikapen grafikoa | 165 |
| Metal-eraikuntzen prozesuen definizioa | 165 |
| Metal-eraikuntzen mekanizazio-, ebaketa- eta konformazio-prozesuak | 198 |
| Metal-eraikuntzen lotura- eta muntaia-prozesuak | 198 |
| Kalitatearen kudeaketa, laneko arriskuen prebentzioa eta ingurumen-babesa | 165 |
| Laneko prestakuntza eta orientabidea | 99 |
| Moduluak | Orduak |
| Metal-eraikuntzen diseinua | 280 |
| Fabrikazio mekanikoko sistema automatikoen programazioa | 100 |
| Produkzioaren programazioa | 120 |
| Metal-eraikuntzen proiektua | 50 |
| Ingeles teknikoa | 40 |
| Enpresa eta ekimen sortzailea | 60 |
| Lantokiko prestakuntza | 360 |
Lanbide-ingurunea
 |
Lanbide-irudi honek jarduera hauetan diharduten industrietan egiten du lan: andel handien, galdara astunen eta industria-tutueriaren fabrikazioa; mekanika-lantegiak; karrozerien, atoien eta iraulkien eraikuntza; ontzigintza eta ontzien konponketa; instalazio petrokimikoak; eta metal-eraikuntzen muntaia eta konponketa. Jarduera horiek metal-eraikuntzen produkzioaren esparruan garatzen ditu, industria-sektorearen barruan.
Lanbide eta lanpostu garrantzitsuenak hauek dira:
• Eraikuntza mekanikoko teknikaria.
• Metal-eraikuntzetako fabrikazioaren arduraduna.
• Metal-eraikuntzetako muntatzaileen arduraduna.
• Galdaragintzako eta metal-egituretako delineatzaile proiektugilea.
• Galdaragintzako eta metal-egituretako ordenagailuz lagundutako diseinuko (CAD) teknikaria.
• Galdaragintzako eta egituretako diseinatzaile teknikoa.
• Fabrikazio mekanikoko sistema automatizatuen programatzailea.
• Fabrikazio mekanikoko produkzioaren programatzailea.
• Tutuak garatzeko teknikaria.
• Metal-eraikuntzetako eta muntaiako lantegiburua.