Edukira joan
EU ES

Ikasleek, Erasmus+ programaren baitan, praktikak burutu dituzte atzerrian

Aurtengo egoera erabat hankaz gora jarri da Covid-19 aren krisia dela eta. Hala ere, ikastetxeko hiru ikasleek lortu dute beraien praktikaldia atzerriko herrialdeetan garatzea eta orain Euskal Herrian bueltan dira. Asko izan dira, zoritxarrez, praktikak bertan behera utzi behar izan dituzten edota epea baino lehenago bueltatzea erabaki duten ikasleak.

Ander eta Beñat, Poloniako Wroclaw hirian dagoen klimatizazio instalazioak egiten dituen enpresa batean aritu dira praktiketan hiru hilabetez, ikastetxean ikasitako edukiak praktikan jarriz. Hodei, berriz, Pragako beste enpresa batean aritu da sare informatikoen inguruan egin dituen ikasketak praktikan jartzen.

Herrialde horietan ere konfinamenduan egon dira, baina pandemiak ez du gurean bezain gogor jo eta ekintza batzuk egiteko aukera egon da.

Ikasleek positiboki baloratu dute beraien esperientzia, nahiz eta ohiko ekintzetan murrizketak ere pairatu dituzten.

Ate irekiak

Ate ireki presentzialak antolatu ditugu ekainak 3 eta 4rako, hitzordua hartzea derrigorrezkoa da. Mesedez, ordua errespetatzea garrantzitsua da, ikastetxeko sarrera-irteeren kontrola egin behar dugulako.

Eman izena hemen (ikastetxera bisita egiteko ezinbestekoa da izena ematea)

Ziklo bakoitzaren eguna eta ordutegia:

Ekainak 3 Junio

17:00etan, Automatizazioa eta Robotika Industriala/Automatización y Robótica Industrial(Goi maila/Grado superior)

17:30etan, Instalazio Elektriko eta Automatikoak/Instalaciones Eléctricas y Automáticas(Erdi maila/Grado medio)

18:00etan, Fabrikazio Mekanikoko Produkzioaren Programazioa/Programación de la Producción en Fabricación Mecánica(Goi maila/Grado superior)

18:30etan, Mekanizazioa /Mecanizado (Erdi maila/Grado medio)

Ekainak 4 Junio

17:00etan, Sare-Informatika Sistemen Administrazioa/ Administración de sistemas informáticos en red (Goi maila / Grado superior)

17:30etan, Mikroinformatika-Sistemak eta Sareak/Sistemas Microinformáticos y Redes(Erdi maila/Grado medio)

18:00etan, Soldadura eta Galdaragintza/Soldadura y Calderería (Erdi maila/Grado medio)

18:30etan, Metal-Eraikuntzak/Construcciones Metálicas (Goi maila/Grado superior)

19:00etan, Instalazio Termiko eta Fluidodunen Mantenimendua/Mantenimiento de Instalaciones Térmicas y de Fluidos(Goi maila/Grado superior)

On line jarraitzen dugu

2020.04.02

Koronabirusa dela eta, klase presentzialak aldi baterako eten behar izan genituen eta ondorioz, ikastetxeko ikasle eta irakasle guztiak gogor aritu dira plataforma digital desberdinekin (zimbra,nextcloud,moodle…) lanean. Batik bat, moodle erabilpena funtsekoa izan da klaseak on line jarraitzeko, egun batean 352 erabiltzaile konektatu ziren eta estatistiken datuei erreparatzen badiegu % 96,6 ko igoera lortu zuen plataforma digitalak. Telelanean bada ere, jarraitzen dugu ohiko ordutegian lanean eta zuen kontsulta guztiei erantzuteko gogoz. Informazio gehiagorako deitu 943.65.11.47 telefono zenbakira edo idatzi idazkaritza@tolosaldea.com -era.

3D inprimagailuak erabiliz osasun-langileentzat biserak prestatzen

2020.03.30

Koronabirusari aurre egiteko  eta TKNIKA-rekin elkarlanean , ikastetxeko 3D inprimagailuak erabilita osasun-langileentzako biserak egiten ari gara. Hau guztia gauzatu ahal izateko, ezinbestekoa izan da Hernani LHII-koek ekarritako beraien 3D inprimagailuak eta Domotek enpresako Koldo Artolaren languntza.

Alemaniako lanbide heziketa eredua ezagutzen

2020.03.19

Aurtengo martxoan, COVID-19ak etxean egotera behartu baino lehen, gure ikastetxeko administraritza alorreko hiru irakasle Alemanian izan dira astebetez, Erasmus+ proiektu baten barnean, bertako Lanbide Heziketa eredua ezagutzen. Lörrach hiriko “Kaufmännische Schule Lörrach“ ikastetxean egin dute egonaldia. Ikastetxe honetako administraritza alorreko irakasleen eskutik bertako Lanbide Heziketa DUALaren funtzionamendua ezagutu ahal izan dute, eta gainera, hainbat klasetan parte hartzeko aukera ere izan dute.

Alemaniako Lanbide Heziketa DUALa eta Euskadikoa alderatzerakoan ezberdintasunik nabarmenena prozesu honetan enpresak duen protagonismoa dela aipatu dute. Ikasleak, lehendabizi proiektuan parte hartu nahi duen enpresa bat bilatu behar izaten du, eta behin enpresarekin kontratua duenean inguruko ikastetxearekin jartzen da harremanetan. Euskadin, ikasleak lehen urtea ikastetxean egiten du, eta DUAL sisteman parte hartzen dutenak ikastetxearen bidez jartzen dira enpresarekin harremanetan. Alemanian, DUAL programak irauten duen 3 urtetan ikasleak astean 30 ordu enpresan lan egiten du eta 10 ordu ikastetxean.

Koronabirusaren eraginez, DUAL programan parte hartzen duten hainbat enpresetan aurrikusita zituzten bisita gidatuak bertan behera geratu ziren, baina hala ere bertako ikasle eta ikasle ohiekin biltzeko aukera izan zuten gure ikastetxeko irakasleek.

Orokorrean esperientzia oso aberasgarria izan dela nabarmendu dute.

ikaslan

elebasque

fp
ikaslan

elebasque

fp
© tolosaldea
Telefonoa: 943651147
idazkaritza@tolosaldea.com