Fabrikazio aurreratua eta digitalizazioan oinarritutako konplexutasun eta tamaina handiko konformazio multzoen muntaia eta kalitate kontrolan aplikatzea

Proiektuaren helburu nagusia konplexutasun, zehaztasun eta tamaina handiko konformazio piezen fabrikazio prozesua eta neurketa dimentsionala aldi berean bermatuko dituen soluzio teknologikoak aplikatzea industria 4.0 oinarritutako teknologietaz baliatuz da. Hau da, irudi bidezko digitalizazioan oinarrituz fabrikazio eta muntaia prozesuan bertan kontrol dimentsionala bermatzea ahalbidetuko luketen soluzio teknologikoen garapena.

Metalen fabrikazio prozedura gehinetan (mekanizazioa, forja, estampazioa, ebaketa, galdaketa, galdaragintza-soldadura...) aurrerabide handiak ematen ari dira bakoitzaren erronkei egokitutako teknologiak moldatuz eta egun dauden industria 4.0ko esparru ezberdinak uztartuz. Baina pieza handi eta konplexuak ekoizteko askotan aurretik azaldutako fabrikazio prozeduren konbinazioa behar izaten da eta prozesuen konbinazioa berak eta piezen tamainak dakarzten zailtasunek ez diete ohiko 4.0ko teknologi soluzioek erantzun bat ematen.

Tolosaldeako ETEekin dugun hartu-emana eta ezagutzaren ondorioz, inguruko enpresek duten arazo amakomunen jakitun egin gara eta gainera soluzio partzialen partaide ere izan gara Tkgune proiektu erberdinen bidez. Hori dela eta, enpresen esperientzia eta baliabideak eta geureak elkartuta irtenbide teknologiko egokiena lortzea da helburua, non konplexutasun, zehaztasun eta tamaina handiko konformazio piezen fabrikazioa eta neurketa dimentsionala aldi berean bermatuko dituen soluzio teknologikoak aplikatzea industria 4.0 oinarritutako teknologietan oinarrituz. Hau da, irudi bidezko digitalizazioan oinarrituz (ikusmen artifiziala, ikuskapen ez suntsikorra, eskanerrak, tomografia...) fabrikazio eta muntaia prozesuan bertan kontrol dimentsionala bermatzea ahalbidetuko luketen soluzio teknologikoen garapena.

Gizakia eta makina industrialen arteko komunikazio bide berrien integrazioa adimen artifizialeko ahots antzemate sistemen bitartez

Gaur egun, ordenagailuek, lehen makina batentzat ezinezkotzat jotzen ziren zereginak egin ditzakete, eta giza pertzepzio-trebetasunak eskatzen dituzten jarduerak automatizatu ditzakete, hala nola, aurpegiak eta hizkuntza ezagutzea, ikaskuntza automatikoa…. Proiektu honek ahots antzemate bitartez automatismoekin interakzioa lortzea du helburu.

Ikerketa eta teknologiaren txertatzea garatuko den proiektu honetan, Adimen Artifizial bidezko ahots antzemate sistema desberdinak aztertuko dira. Mundu industrialean, bere ezaugarri bereziak (zarata, kontroladore desberdinak, .. ) kontutan izanik eta sistema egokienaren hautaketak eginaz. Modu honetan, Lanbide Heziketako ikastetxe desberdinetan, landutako teknologia txertatzeko aukera izango litzateke.

Proiektuaren bitartez, jarraitzen diren beste helburu garrantzitsu batzuk, ondorengoak lirateke:

 Adimen Artifizialaren Ahots Antzemate esparrua garatzea industrian.

 Kanal berri bat zabaltzea gizaki eta industrial kontroladore desberdinen artean (PLC, CNC, Robot,..)

 Naturaltasunez, hizkuntza bitartez jokatzeko aukera ematea industria munduko instalazio, makina eta robotekin elkarlanean jarduteko.

Proiektu honetan Bergarako MIGUEL ALTUNA eta Tolosako TOLOSALDEA LHII ikastetxeek hartu dute parte.

Tolosaldea LH ikastetxea eta Tknika-ko WAAM proiektua

Aurten ere Tolosaldea LH ikastetxea, Tknikan lantzen ari den Fabrikazio Aditibo Metalikoaren espezializazio arloan, WAAM proiektuan parte-hartzen jarraitzen du.

Proiektu hau “Fabrikazio Aditibo” edo “Eransketa Bidezko Fabrikazio Metalikoa”rena da eta horren barruan pieza ertain eta handiko piezen fabrikazioa lantzen dugu.

Helburu nagusia, kasu praktikoen garapenaren bidez prozesuaren ezagutza lortzea da, bertan parte-hartzen duten aldagai nagusiak identifikatu eta kudeatuz, estrategia egokiak aukeratuz eta kontrolatu beharreko puntuak kontutan hartuz.

Teknologia hauen bidez, pieza ertain eta handiak egiteko DED familiako prozesuak erabiltzen dira. DED (Directed Energy Deposition) ingeleseko akronimoa da eta energia iturria eta ekarpen materiala momentu eta lekua berean aritzen diren prozesuak bereizten ditu. Familia honen barruan kokatzen dira WAAM eta LMD prozesuak.

WAAM (Wire and Arc Additive Manufacturing) prozesuan, hari metaliko bat urtu egiten da arku elektrikoaren eraginaren ondorioz, soldadurazko puntu zein kordoi desberdinak sortuz azken aurreforma lortu arte. Azken pieza izango dena lortzeko, mekanizazio eragiketak ezinbestekoak dira. Prozesu hau tamaina ertain edo handiko piezak lortzeko bereziki egokia da, bertan erabili daitezkeen 1 eta 4 kilo orduko ekarpen tasei esker, beti ere piezaren materiala, forma eta tamaina kontuan izanda.

WAAM-en barruan, plasma-arkuan oinarritutako prozesuak eta MIG-ean oinarritutako prozesuak bereiz ditzakegu, eta biak ala biak, zelula robotiko edo makina-ingurune batean integra daiteke prozesuen eskakizunen arabera. Robotek malgutasuna eskaintzen dute makinek (Addilan V0.1 - , atmosfera edo giro babestuetan lan egiteko aukera eta prozesuen kontrol maila askoz altuagoak eskaintzen dituzten bitartean.

Erreferentzia gisa, pasa den ekainean, Teknopolis saioan agertutakoa 

Eransketa Bidezko edo Fabrikazio Aditibo teknologiak gora egiten ari dira eta honen erakusle gure inguruko Zentro Teknologiko eta Unibertsitateetan garatzen ari diren proiektu ugariak dira. Hauekin batera, enpresak ere dagoeneko hasiak dira, kasu batzuetan soluzio eta makina berriak garatzen eta, beste kasu batzuetan, soluzio hauek beraien prozesuetan txertatzen.

FP-Euskaditik finkatzen dugun helburua teknologiaren garapen prozesu honekin laguntzea da, lortutako ezagutza sare osora transferituz, gure ikasleak etorkizun handiko teknologia mota honetan ere trebatuz.

ZTIAM ESKOLA: Gazteen artean zientzia eta teknologiari lotutako hezkuntza sustatzen

Gure gizartearen etorkizuna izango diren egungo gazteen artean zientzia eta teknologia uztartzen dituen ZTIAM (Steam) kultura sustatzeko ekimen bat da.

Horretarako, Tolosaldeako Garapen agentzia eta udalaren laguntzaz, bailarako DBH ikasleei eskeintza hau zabaldu zaie, arratsaldez gure ikastetxeko instalazio eta baliabideak aprobetxatuz, ZTIAM kultura garatzeko. Ikasturte osoa igaroko du gazte talde honek gure ikastetxean bertako irakasle baten laguntzarekin.

Piezak neurtzeko eta diseinatzeko metodologian 3D eskanerra

Enpresa batek bezeroen eskakizunak bete aldera, eta araudi berrira egokitzeko asmoz, piezak neurtzeko eta diseinatzeko metodologian 3D eskanerraren erabilera txertatu beharra ikusi du beraien eguneroko lanean. Horretarako, laguntza eta aholkuraritza eman zaie prozesu osoan zehar, lehen pieza batzuk neurtzeaz gain. Azkenik, teknologia berri hau ikasi eta enpresak 3D eskanerra erostea erabaki du.