Edukira joan
EU ES
 

ADDIMAT: kasu azterketa

ADDIMAT Fabrikazio Gehigarriko Teknologien Espainiako Elkarteak bere webgunean (https://www.addimat.es/es/casos-de-exito) TKNIKAn WAMM (Wire and Arc Additive Manufacturing) teknologia erabiliz fabrikatutako aeronautika-sektoreko pieza baten garapena argitaratu du, eta bertan gure ikastetxeko Soldadura eta Galdaragintza sailak hartu du parte. Pieza horren fabrikazioa TKNIKAn Fabrikazio Gehigarri Metalikoaren espezializazio-arloan kokatzen da, helburu nagusietako bat praktikaren eta esperimentazioaren bidez ezagutza lortzea delarik.

Formatu erdiko pieza bat hautatu du, geometria bakunekoa, normalean bloke metaliko batetik edo aurre-forma forjatu batetik abiatuta fabrikatuko litzatekeena. Kasu honetan, WAMM fabrikazio-prozesu bat oso aukera interesgarria izan daiteke kalitatezko aurre-forma bat lortzeko, ondorengo akabera-prozesuetarako prest egongo litzatekeena.

Eskaner&Robot integrazioa

Proiektu honen funtsa robot kolaboratibo baten eta eskaner baten integrazioan datza, serie handiko piezak modu automatizatuan neurtu eta egiaztatzeko helburuarekin.

Horretarako, Hezkuntza sailari (TKNIKA zentroaren bidez) ikastetxeko proiektua aurkeztu zioten Bergarako Miguel Altuna eta Tolosaldea LHI ikastetxeek. Proiektuan zehar eman diren pausoak honakoak izan dira:

1. Beharrezko ekipamenduak lortu eta beraien arteko integrazioa egin.

2. Landu beharreko pieza eredugarria eta tresneria diseinatu eta ekoiztu.

3. Pieza sorta baten serieko neurketarako programazioa egin.

Produktu bakoitza bere aldetik menperatzeaz gain, erronka nagusia guztiak bateratu eta sekuentziazio egokia lortzea izan da, guztira lau software eta hiru hardware integratu behar izan baitira.

Azken emaitza oso arrakastatsua izan da eta orain gainerako irakasle edota interesa duten enpresei transferentzia egiten hasteko unea iritsi da.

Apirilean lanbide heziketako azoka ospatu zen

2015. urtean antolatu zen lehen aldiz Tolosaldeko Lanbide Heziketaren topaketa Tolosan, lanbide heziketa balioan jartzeko, Tolosa eta Tolosaldean dagoen kalitatezko eskaintza zabala eta anitza ezagutzera emateko eta enpresa, erakunde, zentro eta ikasleen arteko hartu-emana eta sinergiak sustatzeko.

Lehen urte hartan, zentroek beren ateak ireki zituzten eta interesdunek instalazioak ezagutzeko aukera izan zuten. 2016. urtean azoka itxura hartu zuen lehen topaketa hark eta geroztik, 2017, 2018 eta 2019an 2 eguneko azoka formatuan ospatu da, Lanbide Heziketa zentroek antolatuta, Tolosako Udalaren laguntza ekonomikoarekin.

2020. urtean koronabirusaren ondorioz, azokaren formatua aldatu egin behar izan zen eta esparru fisikotik esparru birtualera pasa zen. Aurten berriz, antolatzaileok, azoka formatuari eutsi diogu berriz ere, egungo egoerara egokituta eta indarrean dauden neurriak jarraituta.  

Aurretiazko zitarekin, bisita gidatua postuetan barrena

DBH eta Batxilergoko ikasleei zuzenduta dago azoka eta helburu nagusiak dira Tolosaldeko Lanbide Heziketako ikastetxeen eskaintza kaleratzea eta gizarteratzea, esperientziak partekatzea eta emakumeen parte hartzea eta presentzia bultzatzea.

Aurten azoka egun bakarrean egin da, 9:00etatik 14:00etara. Ikastalde bakoitza dagokion arduradunarekin joan da aurretiazko hitzorduarekin eta lanbide azokako kide batek azokako postuetan barrena gidatu du taldea, azalpenak emanez.

Maiatzean ate irekiak ikastetxean

Ate irekiak antolatu ditugu, bai online bai presentzialak aukeran maiatzak 11, 12 eta 13rako, hitzordua hartzea derrigorrezkoa da. Mesedez, ordua errespetatzea garrantzitsua da, ikastetxeko sarrera-irteeren kontrola egin behar dugulako.

Eman izena hemen.

Ziklo bakoitzaren eguna eta ordutegia:

 

ERDI MAILAKO ZIKLOAK:

- Instalazio Elektriko eta Automatikoak - Maiatzak 11 16:30

- Mekanizazioa - Maiatzak 11 17:30

- Soldadura eta Galdaragintza - Maiatzak 11 18:30

- Merkataritza Jarduerak - Maiatzak 12 16:30

- Mikroinformatika-Sistemak eta Sareak - Maiatzak 12 17:30

- Natura inguruneko lanetako eta aisialdiko gidaria - Maiatzak 12 18:30

GOI MAILAKO ZIKLOAK:

- Metal-Eraikuntzak - Maiatzak 11 16:30

- Automatizazioa eta Robotika Industriala - Maiatzak 11 17:30

- Fabrikazio Mekanikoko Produkzioaren Programazioa - Maiatzak 11 18:30

- Administrazioa eta Finantzak - Maiatzak 12 16:30

- Instalazio Termiko eta Fluidodunen Mantenimendua - Maiatzak 12 17:30

- Sare-Informatika Sistemen Administrazioa - Maiatzak 12 18:30

- Mekatronika industriala - Maiatzak 13 16:30

- Egokitzapen fisikoa - Maiatzak 13 17:30

Nazioartekotzeko proiektuak une zailetara egokituz

Azken urte hau benetan zaila suertatzen ari da Covid-19-aren krisia dela medio. Joan den ikasturteko martxoan, itxialdiarekin batera, atzerrira egitekoak ziren mugikortasunak, bertan behera gelditu ziren eta oraindik ere antzeko egoe-ran jarraitzen dugu. Hala ere, digitalizazioari esker, 20-21 ikasturte honetan badira zenbait proiektu martxan ditugunak; horien adibide bat, Frantziako Chambery hirian dagoen Lycée Monge-ko ikasleekin batera, gure ikastetxeko mekanikako ikasleak burutzen ari direna.

Gure ikasleek altxagarri batzuk mekanizatu zituzten eta ondoren, Chambery-ko ikasleek, materialaren propietateak aztertu eta gero, tratamendu termikoen bidez, pieza horien propietate mekanikoak hobetuko dituzte (gogor-tasuna, zailtasuna etab.). Lan hau burututakoan, berriro altxagarriak Tolosal-deara bidaliko dituzte eta bertan arteztu ondoren, erabilgarri izango dira tailerreko lanetarako.

Komunikazioa eten gabea da prozesuan zehar, bakoitzak bere burua aurkez-teaz gain, lanean egindakoak joaten da azaltzen.

Beste hainbat proiektu ere martxan ditugu:

 Italiako ikastetxe batekin, mintzapraktika ingelesez egiteko.

 Erasmus+ KA2 proiektuaren barruan "In as in INclusión" izenburu duena; honen helburua, ikastetxeetan inklusioa sustatzeko egiten diren “praktika onen” zabalkuntza da eta bertan, sei herrialdetako erakundeek hartzen dugu parte.

Proiektu gehiago ere baditugu martxan jartzeko, Europako ikastetxe eta era-kundeen arteko elkarlanarekin jarraitzeko.

© tolosaldea
Telefonoa: 943651147
idazkaritza@tolosaldealh.eus